Navigation

Inhaltsbereich

  • Erste Mitteilung
  • Neuen Beitrag einfügen
La polizia chantunala dal Grischun ha a partir d'immediat 5 novas polizistas e 15 novs polizists. Venderdi suentermezdi èn els vegnids brevetads en in rom festiv en la sala dal cussegl grond a Cuira. Suenter ina scolaziun da basa d'in onn rinforzan els ussa il corp da polizia da l'entir chantun.

Durant l'emprima part da la festa da brevetaziun è sa drizzà Beat Eberle, cumandant da la polizia chantunala dal Grischun, a las novas polizistas ed als novs polizists. "Nus avain empruvà da tscherner cun Vus 20 diamants crivs." Ils 12 mais passads han quests diamants obtegnì lur emprima mulada, di Eberle. Dentant n'è la mulada fina anc ditg betg terminada. "La mulada fina vegnis Vus a survegnir ils proxims onns en il servetsch pratic".

La confidenza sco basa impurtanta
La cussegliera guvernativa Barbara Janom Steiner ha tractà en ses pled la confidenza. La scheffa dal departament da giustia, segirezza e sanadad ha declerà che la basa da l'incumbensa da la polizia saja en emprima lingia la confidenza. Quella stoppian ins s'acquistar tras lavur correcta, dentant er tras transparenza e tras loialitad. Ella ha
accentuà quant impurtant ch'i saja d'avair ina famiglia ed amis che dattan sustegn cur che la chargia daventa ina giada fitg gronda. Sa basond sin l'ordinaziun da polizia dal chantun Grischun han las novas polizistas ed ils novs polizists prestà lur empermischun sin la bandiera. Sco ch'igl è tradiziun, è la festa da brevetaziun vegnida enramada da la musica da polizia dal Grischun.


Las 5 novas posizistas ed ils 15 novs polizists da la polizia chantunala dal Grischun cun lur emprims lieus da staziunament:

  • Beerli Michael (post da polizia da Martina)
  • Brasser Pascal (post da polizia da Tavau)
  • Christoffel Yannick (post da polizia da Tavau)
  • Cirolo Sandro (post da polizia da Puntraschigna)
  • Degonda Luca (post da polizia da Glion)
  • Dietsch Corina (basa da la polizia da traffic da Tavau)
  • Dolf Simon (post da polizia da Savognin)
  • Luginbühl Svenja (post da polizia da Claustra)
  • Moser Marco (basa da la polizia da traffic da Cuira)
  • Näf Marc (post da polizia dad Arosa)
  • Pinggera Michael (post da polizia da Tavau)
  • Polignone Sante (post da polizia da Tavau)
  • Poppel Sandra (post da polizia da Tavau)
  • Robbi Gian Rudolf (post da polizia da Castasegna)
  • Schorta Anita (basa da la polizia da traffic da Tusaun)
  • Stähli Marc (post da polizia da Tavau)
  • von Ow Lars (basa da la polizia da traffic da Glion)
  • Walder Simon (post da polizia da Schiers)
  • Wasescha Mischa (basa da la polizia da traffic da Cuira)

La polizia chantunala saramenta 20 polizistas e polizists novs
Neuer Artikel