La polizia chantunala dal Grischun ha ussa ina nova polizista e nov
novs polizists. Venderdi avantmezdi èn els vegnids brevetads en in rom festiv en la sala dal cussegl grond a Cuira. Suenter ina scolaziun da basa d'in onn rinforzan els ussa il corp da polizia da l'entir chantun.

Per Walter Schlegel, cumandant da la polizia chantunala dal Grischun, è quai stà l'emprima festa da brevetaziun en sia nova funcziun. La noziun "nov" è perquai er stada il fil cotschen tras sias explicaziuns, cun las qualas el ha mussà en moda impressiunanta tge che sa mida tut – ed è pia nov – per la brevetada e per ils nov brevetads. Quai va da las obligaziuns e dals dretgs en il servetsch da la polizia chantunala dal Grischun fin a l'emprim lieu da staziunament. "En il center da Vossa lavur vegnan a star ils umans da noss chantun. Vus vegnis ad arrivar en situaziuns, en las qualas els han simpatias per Vus", uschia Schlegel. "Ma Vus vegnis er a sentir critica e nunchapientscha u vegnis refusads avertamain". Er cusseglier guvernativ Christian Rathgeb, schef dal departament da giustia, segirezza e sanadad ha drizzà ses pled a la nova polizista ed als novs polizists. La festa è vegnida enramada da contribuziuns da la musica da polizia dal Grischun.

La nova polizista ed ils nov novs polizists da la polizia chantunala dal Grischun cun lur emprims lieus da staziunament:
Ammann Hansruedi, post da polizia Sta. Maria
Beeler Damian, post da polizia Silvaplauna
Casanova Christian, post da polizia Roveredo
Cortesi Simona, post da polizia San Murezzan
Hess Balthasar, basa da la polizia da traffic Tavau
Lenz Aden, post da polizia San Murezzan
Morell Arno, post da polizia San Murezzan
Müller Andri, post da polizia Martina
Stocker Philipp, basa da la polizia da traffic Tusaun
Tuena Arno, basa da la polizia da traffic Tusaun