Navigation

Inhaltsbereich

  • Erste Mitteilung
  • Neuen Beitrag einfügen
Il di naziunal da la glisch che ha lieu quest onn ils 15 da november per la sisavla giada stat sut il motto: Glisch, vista, segirezza. Che quel ch'è vesaivel viva pli ditg mussa er il video da la gruppa da lavur „Segirezza grazia a la vesaivladad“ ch'è responsabla per il di d'acziun naziunal. Ina concurrenza cun blers premis attractivs duai sensibilisar las participantas ed ils participants da traffic supplementarmain per il tema.
 
Mo tgi ch'è vesaivel pon ins er vesair. Perquai vegn la polizia chantunala dal Grischun ad examinar cun controllas intenziunadas il funcziunament da l'illuminaziun e da l'equipament correct dad autos e da vehichels a duas rodas ed a sa drizzar directamain e persunalmain a las participantas ed als participants da traffic. Per prevegnir ad accidents èsi impurtant che persunas e vehichels vegnian vesids baud avunda. Blers accidents pon vegnir evitads, sche las manevras da franar u da guntgir vegnan cumenzadas ad ura.

Buns cussegls da la gruppa da lavur „Segirezza grazia a la vesaivladad“
Tut las participantas e tut ils participants da traffic, sin rodas u a pe, giuvnas e giuvens, veglias e vegls pon, cun in sforz minimal, prestar lur contribuziun ad in augment da la vesaivladad ed uschia gidar ad augmentar l'atgna segirezza sco er quella da las autras participantas e dals auters participants da traffic. La gruppa da lavur "Segirezza grazia a la vesaivladad" ha resumà ils cussegls ils pli impurtants:

per pedunas e per peduns
- purtar vestgadira clera
- equipar la vestgadira cun material reflectant
- esser vesaivel enturn ed enturn (360°)

per velocipedistas e per velocipedists
- montar reflecturs obligatorics (davant alvs, davos cotschens)
- pedals glischants
- reflecturs sin ils radis da la roda
- controllar la glisch, avant che sa metter en moviment

per motociclistas e per motociclists
- adattar il cumportament da charrar a la vesaivladad ed a las relaziuns meteorologicas
- nettegiar las fanestras davant e davos
- nettegiar regularmain las glischs dal vehichel
- controllar adina puspè, sche tut las glischs funcziunan
- charrar cun glisch er da cler

Concurrenza cun premis attractivs
La concurrenza online è averta per tuttas e per tuts fin la fin da december 2012. Per As preparar per la concurrenza pudais Vus guardar il video sin la pagina d'internet. Las respostas correctas prendan part a la lottaria. Gudagnar pon ins: Savida supplementara davart la glisch, davart la vista e davart la segirezza sco er blers premis attractivs che correspundan al tema.

Neuer Artikel