Navigation

Seiteninhalt

Grischun: La polizia augmenta sia preschientscha per il cumenzament da la scola

  • Erste Mitteilung
  • Neuen Beitrag einfügen
En la gronda part dal Grischun cumenza il glindesdi proxim il nov onn da scola. Per blers uffants èsi l'emprima giada ch'els fan la via a scola u a scolina. Per segirar las vias da scola augmenta la polizia chantunala dal Grischun sia preschientscha en la vischinanza da las strivlas melnas e da las chasas da scola.

Sco gia ils ultims onns vegn la polizia a far er questa giada controllas da sveltezza en la vischinanza da las chasas da scola. L'incumbensa da proteger effizientamain ils pli pitschens han natiralmain er ils geniturs. Igl è impurtant ch'ils geniturs fetschian la via a scola ensemen cun l'uffant gia avant il cumenzament da l'emprim onn da scola. Uschia emprendan ils pitschens ad enconuscher la via ed èn prest gia uschè independents ch'els pon far la via senza accumpagnament. En quest connex vali che la via la pli curta n'è betg adina la meglra. Las amplas e las strivlas melnas duain vegnir duvradas. Igl è er bun, sch'ins declera a l'uffant ils privels ed ils signals da traffic per lung da la via.

Er quest onn puspè las chapitschas cotschnas da la ÖKK
La polizia chantunala dal Grischun e la ÖKK lantschan en quest connex puspè in'acziun cuminaivla per il cumenzament da la scola. En tut il chantun vegnan repartidas er quest onn las chapitschas cotschnas da baseball a tut las mattinas ed a tut ils mattets che fan per l'emprima giada la via a scola. Questas chapitschas cun pala dattan en egl en il traffic sin via ed attiran l'attenziun da las automobilistas e dals automobilists. Uschia duai vegnir cuntanschì che las automobilistas ed ils automobilists vesian puspè pli svelt ils uffants suenter las vacanzas da stad.

Dapli segirezza tras in gieu
Il post da consultaziun svizzer per la prevenziun d'accidents (ppa) metta a disposiziun als uffants in gieu educativ sin sia pagina d'internet. Quai en il rom da sia campagna da prevenziun per il cumenzament da quest onn da scola che porta il num «Stop avant la botta». Tras quest gieu emprendan ils pli pitschens, co ch'els pon sa proteger en moda optimala dals privels dal traffic sin via.


Neuer Artikel