Navigation

Inhaltsbereich

  • Erste Mitteilung
  • Neuen Beitrag einfügen
La campagna da prevenziun d'accidents cun motos "smartrider.ch" ha gia lieu il terz onn. Il punct central da quest onn èn quatter curs d'ir cun moto cun il num "Curs da basa smart rider" che han lieu sin l'areal dal center per la segirezza stradala DrivingGraubünden a Cazas.

Per render attent als privels che stattan en connex cun manischar ina moto, ha la polizia chantunala dal Grischun lantschà l'onn 2013 la campagna da prevenziun d'accidents cun motos "smartrider.ch". En il rom da questa campagna vegnan las motociclistas ed ils motociclists preparads optimalmain per la proxima stagiun da moto. Quai sin l'areal dal center per la segirezza stradala DrivingGraubünden. Tut en tut vegnan purschids quatter curs che duran mintgamai in di. La polizia chantunala dal Grischun sa participescha finanzialmain als curs, ed intgins da ses collavuraturs èn preschents a Cazas. Empè da 199 francs custa in curs d'in di perquai mo pli 99 francs. Ils curs han mintgamai lieu da las 08.00 fin las 17.00, e quai ils 22 da matg sco er ils 12, 13 e 21 da zercladur. Persunas interessadas pon s'annunziar per in dals curs sin www.drivinggraubuenden.ch. Ultra dals curs d'ir cun moto vegn la polizia chantunala dal Grischun ad esser preschenta er quest onn puspè en lieus nua ch'i capitan blers accidents, per lung da rutas da moto popularas sco er sin ils pass.

- 
Neuer Artikel