La polizia chantunala dal Grischun ha duas novas polizistas e 13 novs polizists. Venderdi avantmezdi èn ellas ed els vegnids integrads en il corp en in rom festiv en la sala dal cussegl grond a Cuira.
Cun dar il maun sur la bandiera dal corp da polizia han las duas novas commembras ed ils 13 novs commembers dal corp dà lur empermischun d'uffizi al cumandant, colonel Walter Schlegel. En sia allocuziun ha il cusseglier guvernativ dr. Christian Rathgeb gratulà a las brevetadas ed als brevetads per l'examen professiunal federal reussì. A la ceremonia èn sa participads confamigliars, instructurs sco er numerus represchentants da la politica, da l'administraziun e d'organisaziuns partenarias. Sco ch'igl è tradiziun, è la festa da brevetaziun vegnida enramada da la musica da polizia dal Grischun.
Lieus da staziunament per il 1. d'october 2018
Las duas novas commembras ed ils 13 novs commembers dal corp da polizia han cumenzà lur scolaziun l'october 2017 a la scola da polizia da la Svizra orientala ad Amriswil. Il 1. d'october 2018 entran els en servetsch als suandants lieus da staziunament:
Bernhard Beda Christian post da polizia Samedan
Camenisch Ricardo post da polizia Arosa
Carnot Rico basa da la polizia da traffic Silvaplauna
Caviezel Flavio post da polizia Roveredo
Deflorin Ursin basa da la polizia da traffic San Bernardin
Fehr Marino post da polizia Glion
Joos Thomas post da polizia Samedan
Laim Sandro post da polizia Flem
Mattheiss Michele Celine post da polizia San Murezzan
Raselli Ricardo basa da la polizia da traffic Tusaun
Rupp Jannik basa da la polizia da traffic Tusaun
Scherrer Desiree Pamela basa da la polizia da traffic Tusaun
Schlegel Joris basa da la polizia da traffic San Bernardin
Stock Thomas basa da la polizia da traffic San Bernardin
