Zum Seiteninhalt

Grischun: Dar giu gratuitamain armas e muniziun

  • Erste Mitteilung
  • Neuen Beitrag einfügen

Sonda, ils 9 da november 2019, han possessuras e possessurs d'armas la pussaivladad da dar giu gratuitamain armas e muniziun tar mintga post da la polizia chantunala dal Grischun. A chaschun da l'ultima acziun da quest gener avant 3 onns han 195 persunas dà giu 311 armas.

La lescha d'armas oblighescha ils chantuns d'acceptar gratuitamain armas e muniziun or da possess privat. Da princip èsi da tut temp pussaivel da dar giu armas e muniziun tar la polizia chantunala dal Grischun. Acziuns concentradas han però l'avantatg ch'ellas chaschunan dapli attenziun e ch'ellas han pia in effect pli grond. Perquai vegn organisà sonda, ils 9 da november 2019, in di decentral per dar giu armas. Tar tut ils posts da la polizia chantunala e tar tut las basas da la polizia da traffic sco er tar il commando da polizia a la Ringstrasse 2 a Cuira poi vegnir dà giu armas e muniziun tranter las 08.00 e las 12.00 sco er tranter las 13.30 e las 17.00.
Possessuras e possessurs d'armas che dattan giu in'arma u muniziun, ston suttascriver al lieu ina decleranza da renunzia. Il post spezialisà per armas da la polizia chantunala dal Grischun rimna las armas e la muniziun dadas giu e dismetta tut en moda professiunala.

 

-
  Maletg: Armas e Muniziun dadas giu l'onn 2016 a Cuira
Neuer Artikel