Navigation

Seiteninhalt

La Polizia chantunala dal Grischun porscha da nov l'instrucziun d'ir cun velo per uffants er online

  • Erste Mitteilung
  • Neuen Beitrag einfügen

La Polizia chantunala dal Grischun ha producì videos d'instrucziun per scolaras e scolars. Quels stattan a disposiziun en trais linguas a tut ils uffants sin www.kapo.gr.ch. Uschia vegn persequitada la finamira suprema da la prevenziun da traffic – da prevegnir ad accidents da traffic – er durant la crisa da corona.

Las persunas d'instrucziun da las classas primaras grischunas survegnan quests dis posta da la Polizia chantunala dal Grischun. "Perquai che la scola è crudada ora durant la crisa da corona e cunquai che las polizistas ed ils polizists n'han betg pudì visitar intginas classas, essan nus vegnids sin l'idea da porscher l'instrucziun d'ir cun velo er online", declera Cuno Berther, il schef da la prevenziun.

Tge equipament dovra in velo?
"Chars uffants da lingua rumantscha", tuna il bainvegni da l'instructur da traffic en il video. Ils uffants emprendan tge equipament ch'in velo dovra, per ch'els dastgian charrar sin via: dus frains che funcziunan, mintgamai in reflectur ed ina glisch davos e davant sco er dus reflecturs vi dals pedals da mintga vart. Stabilitad per ir cun velo dattan pneus cun in bun profil e cun avunda aria. L'instructur da traffic recumonda urgentamain da montar in scalin. Tar l'equipament tutgan er ina chapellina ed in marschlos.

Sviar a sanestra e precedenza da dretga ord la perspectiva d'utschè
Fin ch'ils uffants dastgan puspè exercitar il diever segir dal velo ed il cumportament correct en il traffic sin via ensemen cun polizistas e polizists, han els la pussaivladad da guardar ina girada cun il velo ord la perspectiva d'utschè. Per quest intent han ins laschà sgular aposta ina drona a Panaduz. "In'attenziun speziala dain nus al sviar a sanestra ed a la precedenza da dretga", di Cuno Berther. "A la producziun dals videos d'instrucziun han cooperà pliras spezialistas e plirs spezialists da la Polizia chantunala dal Grischun – in'ovra cuminaivla per noss uffants", s'allegra il schef da la prevenziun.

 

-
Maletg da la drona

 

Neuer Artikel