Navigation

Inhaltsbereich

  • Erste Mitteilung
  • Neuen Beitrag einfügen

Dumengia ha la Polizia chantunala dal Grischun organisà a Schlarigna in da ses dis d'acziun per ciclistas e ciclists Gia il cumenzament da matg èn ciclistas e ciclists sa legrads da la lavur da prevenziun da la polizia.

La frasa "Cura avais Vus controllà l'ultima giada il stadi tecnic dals frains?" è vegnida articulada tar in pèr dals discurs tranter la Polizia chantunala dal Grischun e las ciclistas ed ils ciclists. La resposta era savens "Fiss puspè ura e temp."

Prevenziun en tut il territori chantunal
Ils dis d'acziun vegnan realisads en tut il chantun fin la fin d'avust. Polizistas e polizists dattan tips da segirezza per tut quai che reguarda l'ir cun velo ed en spezial l'ir cun velos electrics. Uschia tegna la Polizia chantunala dal Grischun quint da l'augment dal traffic da velo. La prevenziun d'accidents è ina incumbensa legala e vegn pia realisada en in dialog direct cun la gruppa en mira.

Er assistents da segirezza sin il e-bike
Sin basa contractuala da bleras vischnancas, uschia er en l'entira Engiadina, ademplescha la Polizia chantunala dal Grischun incumbensas da la polizia communala. Sustegnids vegnan las polizistas ed ils polizists en Engiadina d'assistentas e d'assistents da segirezza ch'èn spezialisads per questas incumbensas. En l'Engiadin'Ota circuleschan las assistentas ed ils assistents da segirezza da nov er cun velos electrics. Dus dad els èn sa participads per sustegnair l'acziun a Schlarigna ed han pudì sa trategnair directamain cun las ciclistas ed ils ciclists davart lur velo, davart sias caracteristicas e davart ina moda d'ir cun velo adattada.

Cussegls
- Ir en moda prospectiva e defensiva e far quint cun ina distanza da franar pli lunga. Il tempo d'in velo electric vegn savens sutstimà.
- Sa render visibel e purtar ina chapellina da velo.
- Prender resguard in da l'auter tranter ciclistas e ciclists da velos electrics e pedunas e peduns.
- Tscherner in e-bike cun in'assistenza dal pedal adequata e cun in sistem da franar antibloccant (SAB).

Foto
Plazza d'acziun il cumenzament da matg a Landquart

Foto
Assistents da segirezza cun velos electrics a Schlarigna
Neuer Artikel