Evaluaziun da la scolaziun speziala integrativa (SSI) en il chantun Grischun
Tenor l'artitgel 91 da la lescha da scola ha l'Uffizi per la scola populara ed il sport l'incumbensa d'examinar e garantir la qualitad en la scola populara. L'evaluaziun periodica da las scolas popularas tenor art. 72 da l'ordinaziun da scola succeda tras l'inspecturat da scola che evaluescha tut las scolas regularas dapi l'onn 2004 e tut las instituziuns da scolaziun speziala a partir dal 2008 regularmain en in proceder standardisà chantunal.
Durant l'onn 2021/22 evaluescha l'inspecturat da scola en collavuraziun e sut la direcziun spezialisada da la Scola auta da pedagogia curativa (HfH) per l'emprima giada la scolaziun speziala integrativa en il chantun Grischun.
Il rapport chantunal sco era tut ils resultads da l'enquista èn uss disponibels.
Il proceder d'evaluaziun en survista:
| settember 2021 |
Consultaziun ordavant (online)
- Persunas, ch'èn actualmain involvidas en in setting SSI: Scolaras e scolars (a partir da la 3. classa), persunas cun represchentanza legala, persunas d'instrucziun da classa, pedagogs e pedagogas curativs, persunas da la terapia, assistenzas da scola
- Tut las direcziuns da scola da la scola regulara
- Tut las direcziuns da las scolas spezialas incl. persunas responsablas per la SSI
|
| da la fin october fin l'entschatta december 2021 |
Visita da ca. 60 settings da promoziun SSI
La visita cumpiglia in mez di en il lieu cun observaziuns da l'instrucziun e da la promoziun sco era cun curtas intervistas cun scolaras e scolars, persunas d'instrucziun da classa, pedagogas e pedagogs curativs, direcziuns da scola ed eventualmain persunas da terapia. Cun persunas cun represchentanza legala vegn per regla fatg in'intervista al telefon.
Avant la visita vegn prendì invista en il dossier dal/da la scolar/a.
L'elecziun dal setting da promoziun succeda entras la direcziun da l'evaluaziun tenor criteris definids (repartiziun proporziunala sin ils centers da cumpetenza, regiuns linguisticas, furma da l'impediment, stgalim resp. ciclus sco era cuz da l'integraziun).
|
| schaner 2022 |
Intervistas da focus (intervistas en gruppas)
- Persunas d'instrucziun da classa cun scolaras e scolars cun SSI, che n'èn betg vegnidas visitadas
- Pedagogas e pedagogs curativs sco era ulteriuras persunas spezialisadas / da terapia, che n'èn betg vegnids visitads
- Direcziuns da scola da las scolas regularas, che n'èn betg vegnidas visitadas
- Responsablas e responsabels per l'SSI dals centers da cumpetenza
- Psicologas e psicologs da scola
- Direcziuns dal sectur da la pedagogia speziala, Uffizi da la scola populara ed il sport
|
| favrer 2022 |
Rapports en scrit
- Rapport chantunal
- Rapport parzial per mintga center da cumpetenza (Giuvaulta, Casa Depuoz, Schulheim Chur)
|
| fin favrer 2022 |
Resun a bucca dals resultats
- Departament sco era Uffizi per la scola populara ed il sport
- Centers da cumpetenza sco era scolas regularas
|
Per ulteriuras dumondas stat Christina Nigg gugent a disposiziun.
christina.nigg@avs.gr.ch
Tel. 081 257 53 14