Emploià/-ada da cuschina AFP
Champ d'incumbensas
Ti lavuras en la cuschina da la chasa d'abitar Scalära, en la mensa Münzmühle u en la GastroCantina a Cuira. Ti gidas a prender en consegna las victualias e controllas la quantitad e la qualitad. Ti lavuras en in team e preparas pasts simpels.
Tias fermezzas èn:
- bun nas e bun palat
- inschign manual
- dun organisatoric
- abilitad da lavurar en in team
- buna fantasia
- conscienza per igiena
- buna sanadad
- abilitad da supportar squitsch
Accents da la scolaziun
Ti fas schuppas, sosas, funds. En la cuschina fraida preparas ti plattas da charn, salatas e pastetas e fas differentas pastizarias dultschas u saladas. Ti nettegias ils cuntels, las padellas, ils utensils e procuras che las victualias vegnian conservadas en moda igienica. La basa per la scolaziun manaschiala è – ultra da la promoziun da la part professiunala – il svilup da la cumpetenza metodica, sociala e persunala. Quai vul dir che ti t'acquistas durant tia scolaziun la savida e las enconuschientschas professiunalas da giudim ensi e che ti es en cas da dumagnar las pretensiuns en il sectur interuman e professiunal.
Scolaziun
|
Durada:
|
2 onns |
| Scola: |
1 di per emna scola professiunala
16 dis curs intermanaschials |
| Finiziun: |
attest federal da furmaziun professiunala "emploiada/emploià da cuschina AFP" |
Pretensiun
Pussaivladads d'absolver furmaziuns supplementaras suenter l'emprendissadi
La furmaziun da basa professiunala è l'emprim pass impurtant per tes futur professiunal prosperaivel. Suenter ta stat a disposiziun in grond dumber da furmaziuns supplementaras. In pèr exempels:
- curs da federaziuns professiunalas
- practicistas/practicists d'economia da chasa AFP pon far ina furmaziun da basa scursanida sco cuschiniera/cuschinier AFQ (entrada en il 2. onn da la furmaziun da basa).
Suenter pon vegnir absolvidas las medemas furmaziuns supplementaras sco per cuschiniera/cuschinier AFQ.