Cuntegn da la pagina

Cuschinier/-a AFQ


 

Champ d'incumbensas

Ti lavuras en la cuschina da la chasa d'abitar Scalära, en la mensa Münzmühle u en la GastroCantina a Cuira. Ti prendas en consegna las victualias e controlleschas la quantitad e la qualitad. Ti preparas pasts chauds e fraids e preschentas els en moda decorativa.

 

Tias fermezzas èn:

  • plaschair da lavurar cun victualias e da cuschinar
  • bun dun receptiv
  • abilitad da coordinar process da lavur
  • creativitad ed interess d'experimentar
  • mauns inschignaivels
  • senn exprimì per igiena
  • senn per urden
  • bun nas e bun palat
  • orientaziun al giast ed al team
  • sanadad robusta (lavurar oravant tut en pe)
  • abilitad da supportar squitsch en situaziuns hecticas

 

Accents da la scolaziun

Ti enconuschas las differentas tecnicas da preparar victualias sco coier cun vapur, pargialar, gratinar, sotar (brassar curtamain en ina padella fitg chauda) e poschar (coier en liquid chaud). Ti fas schuppas, sosas, funds. En la cuschina fraida preparas ti plattas da charn, salatas e pastetas e fas differentas pastizarias dultschas u saladas. Ti nettegias ils cuntels, las padellas, ils utensils e procuras che las victualias vegnan conservadas en moda igienica. La basa per la scolaziun manaschiala è – ultra da la promoziun da la part professiunala – il svilup da la cumpetenza metodica, sociala e persunala. Quai vul dir che ti t'acquistas durant tia scolaziun la savida e las enconuschientschas professiunalas da giudim ensi e che ti es en cas da dumagnar las pretensiuns en il sectur interuman e professiunal. 

 

Scolaziun

Durada: 3 onns
Scola: 1 di per emna scola professiunala
20 dis curs intermanaschials
Finiziun:  attestat federal da qualificaziun "cuschiniera/cuschinier AFQ"

 

Pretensiun

  • scola populara terminada
  • enconuschientschas da linguas estras èn d'avantatg

 

Pussaivladads d'absolver furmaziuns supplementaras suenter l'emprendissadi

La furmaziun da basa professiunala è l'emprim pass impurtant per tes futur professiunal prosperaivel. Suenter ta stat a disposiziun in grond dumber da furmaziuns supplementaras. In pèr exempels:

  • curs da federaziuns professiunalas, da scolas spezialisadas e da scolas professiunalas spezialisadas sco er da scolas spezialisadas superiuras
  • cuschiniera/cuschinier da dieta AFQ, spezialista/spezialist da products da charn AFQ, pasternera/pasterner-pastiziera/pastizier-confisiera/confisier AFQ, spezialista/spezialist da restauraziun AFQ u spezialista/spezialist d'hotel AFQ
  • schefcuschiniera/schefcuschinier cun certificat professiunal federal, manadra/manader da gastronomia cun certificat professiunal federal
  • scheffa/schef da cuschina dipl., manadra/manader da la restauraziun collectiva dipl., interprendidra/interprendider da gastronomia, dipl.
  • hoteliera-ustiera/hotelier-ustier SSS dipl.
  • bachelor of science (SAS) en tecnologia da victualias, bachelor of science (SAS) en international hospitality management, master of science (SAS) en global hospitality business