Facturaziun provisorica

La taglia chantunala e la taglia federala directa per las entradas e per la facultad d'in onn fiscal vegnan facturadas provisoricamain mintgamai vers la fin da schaner da l'onn chalendar suandant.

La basa per la facturaziun provisorica è la taxaziun da taglia da la perioda precedenta. Sche las datas da la perioda precedenta na stattan betg a disposiziun (taxaziun n'è anc betg vegnida fatga u pajataglia arriva d'in auter chantun u da l'exteriur), vegnan ils imports da taglia che vegnan probablamain debitads, eruids en in'autra moda per la facturaziun provisorica.

L'administraziun da taglia fixescha mintga onn in import minimal per la facturaziun provisorica. Actualmain na vegnan taglias chantunalas e taglias federalas da mintgamai main che 300.– francs per regla betg facturadas provisoricamain. En quests cas ha lieu ina facturaziun definitiva suenter che la taxaziun è vegnida fatga.

Facturaziun definitiva

La facturaziun definitiva da la taglia chantunala e da la taglia federala directa per las entradas e per la facultad vegn fatga per regla entaifer in mais suenter che la decisiun da taxaziun da la perioda fiscala respectiva è vegnida tramessa.