Staziuns da tgira
En collavuraziun cun la Gruppa da lavur ornotologica dal Grischun organisescha l'Uffizi da chatscha e pestga dal Grischun la scolaziun da las persunas che s'occupan da las staziuns per la tgira d'utschels ch'èn privatas.
Las staziuns per la tgira d'utschels prendan encunter utschels blessads e malsauns. Tgiran quels fin ch'els èn sauns ed als mettan suenter puspè en libertad. Las staziuns per la tgira d'utschels n'èn betg adattadas per dar permanentamain alloschi ad utschels.
Vulais Vus laschar preparar in utschè mort che Vus avais chattà? Qua chattais Vus il formular respectiv.
Glista da las spezias d'utschels prioritaras chantunalas
Ensemen cun il post regiunal dal Grischun da la Staziun ornitologica svizra ha l'uffizi da chatscha e pestga publitgà ina glista da las spezias d'utschels chantunalas prioritaras. Ella sa basa sin la glista da las spezias d'utschels naziunala da prioritad e sin la Glista cotschna naziunala, e mussa per tge spezias d'utschels ch'il chantun Grischun surpiglia ina responsabladad speziala.
Tschess cularin
Durant l'onn passà ha il tschess cularin occupà fermamain il Grischun. Ils utschels che arrivan en il Grischun, tutgan per gronda part tar las classas da vegliadetgna giuvenila e subadulta. Ils pèrs d'animals adults restan durant la stad en il lieu da lur colonia en Frantscha, nua ch'els tiran si ils pitschens da quest onn.
Ulteriuras infurmaziuns davart il tschess cularin e ses cumportament chattais Vus en il video qua sutvart.
Tschess cularins en il Grischun
Giaglina da draussa
Infurmaziuns davart la giaglina da draussa en il Grischun chattais Vus qua sut rapports publitgads.
Corvs
Cun il corv grond, il corv nair, il corv grisch, la giazla, il curnagl, il tulaun, la sgragia e la cratschla cuan otg represchentants da la famiglia dals corvs regularmain en il Grischun. Lur caracteristica cuminaivla è ina intelligenza extraordinaria. Gist questa intelligenza è stada il motiv ch'intginas spezias han gì success sco suondaculturas, pia utschels che tschertgan activamain la vischinanza cun cuntradas marcadas da l'uman e che han in avantatg da quai. La convivenza è dentant mintgatant difficila, cunzunt vi d'edifizis ed en l'agricultura pon corvs nairs e corvs grischs chaschunar donns considerabels. Ils suandants fegls d'infurmaziun duain dar scleriment davart il cumportament dals corvs sco er tips pratics per prevegnir cunter donns.
Fegl d'infurmaziun Corvs vi d'edifizis
Fegl d'infurmaziun Corvs en l'agricultura Staziun ornitologica svizra
Fegl d'infurmaziun "Krähen abwehren im Biofeld"