La saira dals 11 d'avust 2022 ha pudì vegnir confermada la nova furmaziun d'in ulteriur triep da lufs. Sin il territori communal dad Ilanz/Glion ha la surveglianza da chatscha pudì observar trais lufs pitschens. Questa observaziun conferma la furmaziun d'in nov triep, che vegn designà sco triep dal Vorab tenor la muntogna cun il medem num. Il triep sa trategna en il territori da l'anteriur triep dal Piz Bargias, suenter ch'ils geniturs da tal han pers la vita en il decurs da l'onn passà. En il chantun Grischun è quai fin ussa la tschintgavla reproducziun ch'è vegnida cumprovada questa stad.