La notg dals 26 sin ils 27 d'october 2023 ha la surveglianza chantunala da chatscha sajettà il terz luf giuven dal triep da Moesola. L'Uffizi federal per l`ambient (UFAM) aveva permess ils 11 da settember 2023 da sajettar maximalmain trais animals giuvens dal triep. Per l'analisa patologica vegn il luf sajettà transferi al Center per medischina da peschs e selvaschina (FIWI) a Berna. L'analisa genetica vegn fatga al Laboratoire de biologie de la conservation da l'Universitad da Losanna.

Ultra da quai ha il chantun disponì ils 30 d'october 2023 cha la surveglianza da chatscha po sajettar trais lufs giuvens dal triep da Lenzerhorn. Ils 20 d'october 2023 aveva l'Uffizi federal per l'ambient (UFAM) concedì la permissiun correspundenta dal triep che sa chatta en il territori tranter Cuira e Casti sco er tranter la Tumleastga ed Arosa. Uschia dastga la surveglianza chantunala da chatscha sajettar trais animals giuvens da quest triep da lufs fin il pli tard la fin da mars 2024.