En l'Engiadin'Ota che ha il revier da casturs il pli autsituà da l'Europa, han ins pudì confermar cun segirezza dus casturs giuvens. Mez zercladur èsi reussì al guardiaselvaschina chantunal cumpetent da cumprovar ils fastizs dals animals giuvens a Samedan. Dapi l'onn 2017 fin il cumenzament dal 2025 ha il castur vivì sulet en l'Engiadin'Ota. Pir dapi la fin da favrer, amez il temp da paregliament, èsi stà pussaivel da documentar in pèr da casturs (cf. communicaziun dals 26-02-2025).

Suenter in temp da purtanza da 15 emnas survegn la femella dus fin quatter animals giuvens. Quels bandunan lur tauna proteginta l'emprima giada pir suenter in pèr emnas. Cun 2 onns bandunan ils casturs giuvens lur famiglia da casturs per fundar in agen revier sper in traject d'aua liber.