Il 1. da settember 2025 èn vegnids observads dus chagniels lufs sin il territori da la vischnanca da Breil. Perquai ch'i mancan indizis per ina furmaziun d'in pèr durant la stad, ha ins suspectà ch'i sa tractia qua dal triep da Valgronda che pudess avair extendì ses territori vers nord pervia da l’eliminaziun dal triep dal Vorab. Ils 4 da december 2025 han ins dentant pudì confermar cun in'analisa dal DNA, ch'i sa tracta d'in triep da lufs ch'è sa furmà da nov. Il nov triep che vegn designà sco triep da Frisal consista – tenor las enconuschientschas actualas – da dus animals geniturs creschids sco er d'almain dus animals giuvens.

Las cumprovas da reproducziun vegnan publitgadas mintga mais en il «Monitoring dal management dal luf» sut www.wolf.gr.ch.