Il cumenzament da schaner ha in chatschader sajettà per sbagl in luf a la chatscha da guetta en Surselva. Suenter ch'el ha percurschì ses sbagl, ha il chatschader immediatamain denunzià sasez tar la surveglianza da chatscha. Tenor emprimas valitaziuns è il luf mastgel in animal che n'è anc betg dad 1 onn.

Ils 23 da december 2025 ha il chantun disponì da sajettar in luf giuven dal triep da Frisal. Perquai ch'il luf mazzà è eventualmain in animal giuven dal medem triep, è la regulaziun dal triep «Frisal» vegnida sistida anticipadamain.

La regulaziun dals lufs dura anc fin la fin da schaner 2026.