Il december ha la surveglianza chantunala da chatscha survegnì d'ina trapla fotografica maletgs ed in video da trais ludras. Las registraziuns permettan da supponer, ch'i sa tracta qua d'ina femella cun dus animals giuvens. Per la Val dal Rain da Cuira è quai l'emprima cumprova d'ina reproducziun da ludras e per l'entir chantun l'otgavla.

Il territori d'ina ludra sa drizza tenor la disponibladad da pavel e po includer ina riva da sis fin 20 kilometers lunghezza. Perquai èsi pussaivel, ch'il revier da questa famiglia da ludras surpassa ils cunfins dal chantun. Suenter ch'ins ha cumprovà ludras en la Val dal Rain Alpin da Son Gagl ed a la Linth enturn la midada da l'onn, èsi stà da far quint cun quest svilup vers il nord dal Grischun.

La ludra na viva en il Grischun betg mo en la Val dal Rain da Cuira, mabain er en l'Engiadin'Ota ed en Surselva.

Annunzia per la ludra en l'Engiadin'Ota
Annunzia per la ludra en Surselva