L'avrigl 2026 ha il guardiaselvaschina chantunal cumpetent pudì far per l'emprima giada fotografias e videos d'ina ludra femella cun in pitschen en l'Engiadina Bassa. Dapi l'onn 2018 viva la ludra en questa regiun.

En l'entir chantun Grischun han ins gia cumprovà en tut nov reproducziuns da ludras. En il fratemp è la ludra s'etablida en la Val dal Rain da Cuira, en la Surselva, en l'Engiadin'Ota ed en l'Engiadina Bassa. Er en la Tumleastga ed en il Partenz han ins pudì cumprovar la preschientscha da la ludra.