Durant l'emprima mesadad d'avust 2026 han pudì vegnir confermats trais novs trieps da lufs en il chantun Grischun.

Sin basa dad observaziuns è vegnida cumprovada la furmaziun d'in nov triep da lufs en l'Engiadina Bassa sin il territori communal da Zernez. La surveglianza da chatscha ha pudì constatar almain trais luffins. Il triep vegn designà sco triep da Giarsinom.

Er en l'Engiadina bassa sin il territori communal da Scuol èn vegnids observads almain tschintg lufs giuvens. Quest triep vegn designà sco triep da Madlain.

En la Mantogna han ins pudì confermar cun agid d'ina trapla fotografica e suandadas observaziuns dus chagniels lufs. Il nov triep vegn designà sco triep «Heinzenberg».

Ulteriuras infurmaziuns davart la preschientscha actuala dal luf vegnan publitgadas mintgamai il cumenzament dal mais en il «Monitoring dal management dal luf» sin la pagina d'internet www.wolf.gr.ch. Pertuccond la regulaziun proactiva da la populaziun da lufs infurmescha l'uffizi l'emna proxima.