La damaun baud dals 17 d'october ha il survegliader da chatscha chantunal ch'è responsabel per l'Engiadin'Ota pudì constatar gia per la settavla giada ina reproducziun da ludras. Ils dus animals giuvens èn gia plirs mais vegls ed han pudì vegnir confermads cun agid d'ina trapla fotografica sper l'En.

Cun questa cumprova s'augmenta il dumber total da las reproducziuns cumprovadas sin tut en tut diesch en il chantun Grischun. Ils emprims animals giuvens da ludras èn vegnids constatads l'onn 2018 medemamain en l'Engiadin'Ota.