Er tenor la pli nova retschertga da l'onn 2025 è la populaziun da peschs en il Rain alpin anc adina cleramain memia pitschna. Ils resultats preschentads a la 50avla dieta da la Cumissiun internaziunala da las regenzas Rain alpin (CIRRA) ad Au conferman las enconuschientschas dals anteriurs monitorings dals onns 2005, 2013 e 2019. Bain han ins cumprovà cun 20 spezias da peschs tantas spezias sco anc mai, ed en singuls secturs sa mussan levs meglieraments envers il nivel bass da l'onn 2019. Tar ina gronda part da las spezias da peschs exista però anc adina in basegn d'agir urgent.
Communicaziun a las medias davart la 50. dieta da la CIRRA