La strategia d'immobiglias dal chantun ch'è gia vegnida realisada parzialmain metta l'accent sin ferms centers regiunals. Ussa duai vegnir realisà er a Cuira quai ch'è gia realitad en singulas regiuns: Ina gronda part da l'administraziun ch'è activa a Cuira duai vegnir concentrada en in cumplex administrativ che duai vegnir construì da nov e che duai cuntegnair circa 725 plazzas da lavur. Uschia pon vegnir tratgas a niz sinergias impurtantas e spargnads custs.