Venderdi, ils 6 d'october 2023, da las 9.00 fin las 16.00, ha lieu la dieta spezialisada davart il traffic betg motorisà dal Grischun da quest onn en l'aula da la SASGR a Cuira.

Sut il motto «Il traffic betg motorisà en transfurmaziun» As spetgan er quest onn referats captivants, intervistas interessantas ed ina discussiun animada al podium davart la mobilitad futura. Vus pudais As legrar tranter auter sin inputs davart ils temas cargobikes electrics, dapli mobilitad sco sfida, «graubünden Trailrun» u er digitalisaziun en il traffic betg motorisà.

La participaziun è gratuita. Spaisas e bavrondas èn er organisadas: durant la pausa da mezdi porscha la mensa in lunch en pe, e sco finiziun da l'occurrenza vegni servì café e turta – tut inclusiv. En cas d'interess As supplitgain nus d'As annunziar fin venderdi, ils 29 da settember 2023, sut il suandant link: Annunzia a la dieta spezialisada davart il traffic betg motorisà (en tudestg)

Nus ans legrain sin in barat prezius e sperain d'As pudair beneventar quel di a la SASGR.

Program dieta spezialisada 2023 (en tudestg)

Dieta spezialisada davart il traffic betg motorisà 2022