Controllai per plaschair Vossa situaziun e Vossas dumondas cun il   Travelcheck.actual. Vus survegnis là tut las infurmaziuns davart l'entrada en Svizra.

Pervia da la nova mutaziun dal virus B1.1.529 extenda la Svizra sias disposiziuns d'entrada envers terzs stadis. L'entrada nà da quests stadis è pussaivla per persunas da terzs stadis mo anc per dimoras che dovran ina permissiun ubain en cas gravants. Er sche la persuna d'in terz stadi è vaccinada – independentamain dal vaccin – na tanscha quai betg pli per entrar en Svizra nà da quests stadis. Per l'entrada da Svizras e da Svizzers sco er da persunas cun dretg da libra circulaziun n'èn las reglas d'entrada BETG sa midadas. L'entrada nà dad auters stadis commembers da Schengen (p.ex. da la Belgia) ubain dad auters terzs stadis (p.ex. UK) n'è BETG sa midada.

Per divers stadis (terzs stadis e stadis commembers da Schengen) valan dentant las mesiras sanitaras da cunfin da l'Uffizi federal da sanadad publica UFSP. En cas da dumondas davart questas mesiras As drizzai per plaschair directamain al UFSP.

L'extensiun da las disposiziuns d'entrada pertutga MO l'entrada da persunas da terzs stadis nà dals suandants pajais e da las suandantas regiuns:

• Botsuana
• Eswatini
• Hong Kong
• Israel
• Lesotho
• Mosambic
• Namibia
• Simbabwe
• Africa dal Sid