L'extensiun da la cunvegna davart la libra circulaziun sin la Rumenia e sin la Bulgaria è entrada en vigur il 1. da zercladur 2009. Ussa po la Svizra mantegnair durant maximalmain 7 onns las restricziuns d'admissiun a ses martgà da lavur. La precedenza da persunas indigenas e la controlla da las cundiziuns da lavur e da salari ch'èn usitadas en il lieu ed en la branscha vegnan examinadas sut la direcziun dal chantun. Plinavant sa restrenscha l'admissiun ad in tschert dumber da persunas.