Per il 1. da schaner 2009 èn vegnids furmads novs circuls da stadi civil:
 
 

• Circul da stadi civil dad Alvra-Tavau cun sedia a Tavau e cun ina filiala a Casti. Il circul da stadi civil dad Alvra-Tavau cumpiglia ils circuls politics dal district da l'Alvra (Alvaschagn, Belfort, Bravuogn e Surses) ed il circul politic da Tavau. Ils anteriurs circuls da stadi civil dad Alvra, dad Alvaschagn, da Tavau e da Surses èn vegnids fusiunads al nov circul da stadi civil dad Alvra-Tavau.

  

• Circul da stadi civil da la Cadi cun sedia a Trun. Il circul da stadi civil Cadi cumpiglia il circul politic da la Cadi. Ils anteriurs circuls da stadi civil da Sursassiala e da Sutsassiala èn vegnids fusiunads al nov circul da stadi civil da la Cadi.

  

• Circul da stadi civil da l'En cun sedia a Ramosch. Il circul da stadi civil da l'En cumpiglia ils circuls politics da Ramosch, da Suot Tasna, da Sur Tasna e da la Val Müstair. Ils anteriurs circuls da stadi civil d'Engiadina bassa-Samignun e da la Val Müstair èn vegnids fusiunads al nov circul da stadi civil da l'En.

  

• Circul da stadi civil da Valposchiavo cun sedia a Puschlav. Il circul da stadi civil da Valposchiavo cumpiglia ils circuls politics da Brusio e da Puschlav. Ils anteriurs circuls da stadi civil da Brusio e da Puschlav èn vegnids fusiunads al nov circul da stadi civil da Valposchiavo.

  

• Circul da stadi civil da la Plessur cun sedia a Cuira. Il circul da stadi civil da la Plessur cumpiglia ils circuls politics da Cuira e dal Scanvetg. Ils anteriurs circuls da stadi civil da Cuira e dal Scanvetg èn vegnids fusiunads al nov circul da stadi civil da la Plessur.

 
Tras questa fusiun è il dumber da circuls da stadi civil sa reducì a 18. L'art. 1 da l'ordinaziun chantunala davart il stadi civil (OSCC; DG 213.500) vegn revedì pli tard en quest senn.