A partir dal 1. da fanadur 2009 acceptan ils Stadis unids ils passaports provisorics senza chip da datas mo pli en cumbinaziun cun in visum. Il medem vala er per il passaport svizzer provisoric actual. Quai ha l'ambassada dals Stadis unids communitgà a las autoritads svizras.

Questa regulaziun vala per persunas che viageschan cun passaports provisorics e che derivan da quels pajais che sa participeschan – sco la Svizra – al program da "Visa Waiver" dals Stadis unids. Per viagiar senza visum en e tras ils Stadis unids acceptan ils Stadis unids actualmain mo pli il passaport 06 (passaport cun chip da datas che vegn emess en il rom dal project da pilot current) ed il passaport 03, sche quel è vegnì emess avant ils 26 d'october 2006.