L'Uffizi da militar e da protecziun civila è il post chantunal spezialisà per tut ils fatgs en ils sectur militar, protecziun civila e protecziun da la populaziun ed exequescha las leschas respectivas.

En il sectur da la protecziun da la populaziun vegnan fatgas – ensemen cun auters posts da servetsch – las planisaziuns e las preparativas en vista a catastrofas ed – en cas da donns – coordinadas las prestaziuns d'agid necessarias.

Ultra da las incumbensas centralas stat l'Uffizi da militar e da protecziun civila cun sias collavuraturas e ses collavuraturs mintga di a disposiziun per las schuldadas ed ils schuldads e per las commembras ed ils commembers da la protecziun civila, quai sco post d'infurmaziun per tut ils fatgs sco per exempel suspensiuns dal servetsch, recrutaziun, obligaziuns ordaifer il servetsch, sistem d'annunzia e taxa d'exemziun dal servetsch militar.