L'onn 2026 vegn surdà per la sisavla giada il premi naziunal «Vischnanca sauna» resp. «Citad sauna». Il premi sa chapescha sco impuls per concepts exemplarics da la promoziun da la sanadad e prevenziun communala sco er sco renconuschientscha da mesiras e projects exemplarics e multiplitgabels. La surdada dal premi renda enconuschents en l'entir pajais ils exempels degns d'imitaziun ed als undrescha.

La surdada ha lieu durant la stad 2026. L'ultim termin per inoltrar annunzias è ils 30 da november 2025. In premi d'ina summa da 15 000 francs stat a disposiziun. Da questa summa vegnan surdads trais fin quatter premis. Las vischnancas e las citads undradas ston impunder las summas dals premis per mesiras futuras da la promoziun da la sanadad e da la prevenziun.

Il premi vegn finanzià da l'Uffizi federal da sanadad publica, da la Conferenza svizra da las directuras e dals directurs chantunals da sanadad, da Promoziun Sanadad Svizra, da l'Associaziun da las vischnancas Svizras, da l'Uniun da las citads svizras sco er da la Fundaziun svizra per la sanadad RADIX.

Dapli infurmaziuns: www.preis-gesunde-gemeinde.ch (DE)