Dapi onns accumpogna ella las scolaras ed ils scolars en il chantun Grischun tras il mintgadi da scola – e regorda a medem temp ad in tema impurtant: la prevenziun da dependenzas.

Er quest onn avain nus puspè tramess var 6500 agendas en tudestg ed en talian. Cun quai metta il Post spezialisà per la promoziun da la sanadad in ferm signal: La prevenziun duai far part dal mintgadi – esser visibla, pratica ed accessibla per tuttas e tuts.

Il program per la prevenziun da dependenzas «befreelance» porscha a las persunas d'instrucziun material d'instrucziun gratuit e pratic davart tubac, alcohol, cannabis e medias digitalas – orientà a las cumpetenzas, confurm al plan d'instrucziun e simpel da duvrar en l'instrucziun.

Mintga 3 onns ha lieu il contest «befreelance». Actualmain durant quest onn da scola 2025/2026. Ils teams da scolaras e scolars dal stgalim secundar I pon inoltrar lur ideas creativas per placats fin ils 7 da november 2025. Gia a chaschun da l'ultima concurrenza èn er contribuziuns grischunas stadas sut las lavurs premiadas – part d'in record da 355 inoltraziuns or dad otg chantuns e dal Liechtenstein!

Dapli infurmaziuns davart «befreelance» sco er davart las singulas purschidas chattais Vus sin la pagina d'internet dal program: be-freelance.net