Ils 13 da november 2025 ha gì lieu in inscunter d'infurmaziun e da colliaziun dal Post spezialisà per la promoziun da la sanadad ensemen cun 19 persunas che decidan sin plaun communal sco er cun expertas ed experts dal sectur da la giuventetgna da la regiun Alvra. En il center da l'occurrenza è stà il rinforzament da la sanadad psichica dals giuvenils en las vischnancas.

Monika Schmid (psicologa superiura, SPGR) ha dilucidà la situaziun ord vista psicologica, entant che Noemi Panier (assistenta da giuvenils, regiun Alvra) ha dà invistas dal project «Es ti OK?» ch'è vegnì realisà per incumbensa da las vischnancas da Lantsch, da Bravuogn Filisur e d'Alvra ed accumpagnà tras il Post spezialisà per la promoziun da la sanadad. Silsuenter èn vegnids discutads cuminaivlamain resultats, ideas da mesiras e perspectivas per las vischnancas.

Dapli infurmaziuns davart ils inscunters regiunals d'infurmaziun e da colliaziun sco er ina invista da las preschentaziuns chattais Vus qua: Colliaziun - Vischnancas