Navigation

Inhaltsbereich

  • Erste Mitteilung
  • Neuen Beitrag einfügen

Introducì da nov: Prevenziun dad e-bike

Tar ils accidents da traffic cun velos e cun e-bikes ha la Polizia chantunala dal Grischun constatà in augment da 69 (2019) sin 87 (2020). Las raschuns per ils accidents cun e-bikes èn stadas la sveltezza betg adequata ed in'abilitad da manischar per part manglusa. Durant la pandemia èn er bleras persunas puspè sa messas sin il velo suenter blers onns. Questas circumstanzas ha il post spezialisà Prevenziun prendì sco chaschun per realisar en tut il chantun dis d'acziun spezials per ciclistas e ciclists e da manar gist sin la via da velo discurs cun las sportistas ed ils sportists. Quels han duvrà l'inscunter spontan cun la polizia per er discurrer davart auters temas e problems che fatschentavan gist els.

Foto
Discussiun animada cun la polizia
Foto
A la riva dal Obersee ad Arosa
Foto
 

A Landquart, Schlarigna, Tavau, Arosa, Lai, Trimmis, Claustra, Savognin e Flem n'han las collavuraturas ed ils collavuraturs betg mo dà tips davart la prevenziun e respundì las dumondas, mabain er repartì bastunets da fitness, maila, aua minerala e flyers.

Marcel Trinkler, schef dal post spezialisà Prevenziun: «Jau tir ina bilantscha fitg positiva da questas acziuns dad e-bike. Igl è sa cumprovà che nus n'avain betg realisà ina gronda acziun, mabain fitg bleras pitschnas acziuns – tut en tut indesch – en l'entir chantun. Uschia avain nus pudì resguardar persunas en tut las regiuns. Sin basa da las reacziuns positivas vegnin nus natiralmain puspè a planisar ed a realisar talas acziuns er durant l'onn 2022.»

Neuer Artikel