Cuminaivlamain han divers corps dal Concordat da polizia da la Svizra Orientala concepì contribuziuns da social media cunter engion al telefon.
La primavaira ha la Polizia chantunala da la Turgovia appellà entaifer il Concordat da polizia da la Svizra Orientala da lantschar in'acziun da prevenziun sin social media davart il tema «Cuminaivlamain cunter engion al telefon». La particularitad da l'acziun era, ch'ella na sa drizzava betg directamain a las victimas. La finamira era da pledentar via social media persunas che tematiseschan quest engion cun lur geniturs u cun lur tattas e tats. Las contribuziuns respectivas dals corps da polizia han gidà a derasar quest tema.
La realisaziun da l'acziun ha cumenzà cun il storyboard. En quest scenari eran definidas l'acziun e las scenas.
In'egliada sin il storyboard basta per chapir l'acziun dal video.
D'occupar èn stadas las rollas da la victima potenziala...
… da l'engianader supponì …
… sco er d'ina persuna spezialisada.
En il rom da questa acziun coordinada, che ha gì lieu durant l'emprima emna da matg, èn resultads differents products che pon vegnir consultads mintgamai sin ils chanals da social media dals corps da polizia participads. Qua è il ink al video da la Polizia chantunala dal Grischun, publitgà sin Facebook, Instagram e LinkedIn. Il storyboard è realisà!