La fin da zercladur ha la Polizia chantunala dal Grischun organisà a S-chanf – sut il patrunadi dal Center per la collavuraziun da polizia e da duana (CCPD) da Chiasso – ina scolaziun da 2 dis per l'activitad transcunfinala Svizra-Italia da las patruglias. Ultra da las forzas d'acziun da la Polizia chantunala dal Grischun èn er sa participadas collavuraturas e collavuraturs da la Polizia chantunala dal Tessin, da l'Uffizi federal da la duana e da la segirezza dals cunfins sco er da la Polizia di Stato da l'Italia. Er ils Carabinieri talians èn vegnids scolads. Quest onn a S-chanf n'èn els dentant betg stads represchentads.
Il circul da 26 participantas e participants è vegnì repartì sin trais classas.
Durant la lecziun «Controllas da vehichels» mussan dus instructurs da la Polizia chantunala dal Grischun il proceder a lur collegas talians.
Las scolaziuns transcunfinalas han lieu dapi l'onn 2019.