La lavur da publicitad da la Polizia chantunala dal Grischun cumpiglia la communicaziun en cas d'eveniments, sco per exempel d'accidents, la communicaziun da success da retschertga e communicaziuns da traffic, dentant er la derasaziun da campagnas, sco per exempel per la segirezza virtuala, u d'adattaziuns da reglas da traffic. Regularmain vegni er rapportà en chaussa sin l'agen chanal en Facebook. La fin dal 2022 aveva il chanal var 24 000 followers.

L'account porscha er la pussaivladad da preschentar muments positivs en il mintgadi da las polizistas e dals polizists. In tal eveniment è stà quel cun Tiziana il december 2022. La Polizia chantunala dal Grischun ha dastgà ademplir ad ella in grond giavisch en l'Engiadin'Ota!