Relaziuns da via criticas engrevgeschan da manischar. Las utilisadras ed ils utilisaders da la via enconuschan quai mo memia bain. Natiralmain er polizistas e polizists che ston sa render ad acziuns er sche las cundiziuns èn difficilas. Gia durant la scolaziun da basa frequentan ellas ed els in trenament da manischar. Uschespert ch'ellas ed els sa chattan alura amez la vita professiunala, datti durant il segund onn da servetsch in trenament cuntinuà per perfecziunar sistematicamain las abilitads da manischar sin la naiv e sin il glatsch. Per render l'effect d'emprender uschè pratic sco pussaivel vegn il trenament absolvì cun il vehichel, en il qual la squadra circulescha sin via en il mintgadi professiunal.
Sapientivamain vegn il vehichel da servetsch manischà datiers dal cunfin da la dinamica da guidar.
A Zernez regnan il schaner ed il favrer cundiziuns optimalas per quest trenament. L'emprim tip da l'instructur per la segirezza stradala è «Guardai e manischai l'auto che glischna adina là, nua che vus vulais ir». Sche tut ristga tuttina dad ir mal, vala il princip «Giai cumplainamain sin ils frains!». Quai na vala sa chapescha betg mo per las polizistas ed ils polizists, mabain per tut las utilisadras ed ils utilisaders da la via.Il trenament da guidar vehichels l'enviern per polizistas e polizists fa part dal program da basa e da furmaziun supplementara ed è ina contribuziun per augmentar la segirezza da lavur, dal tuttafatg en il senn da la Strategia HRM 2023–2033.