Las datas dals conducts d'aua, d'aua persa, da gas, d'electricitad, da communicaziun, da chalur a distanza e d'ulteriurs mediums vegnan registradas ed actualisadas cuntinuadamain da las proprietarias e dals proprietaris da las ovras en lur sistems d'infurmaziuns davart las ovras. Ina part da questas datas vegn extratga e reunida en il cataster chantunal da conducts. Quel furnescha infurmaziuns davart il curs dal conduct, davart ils mediums transportads sco er davart la proprietaria u il proprietari respectiv.

Il cataster da conducts è accessibel mo limitadamain a la publicitad. Las utilisadras ed ils utilisaders ch'èn annunziads, pon empustar datas da fin 6 ha sur geoshop.geogr.ch. Mintga empustaziun sto vegnir dada liber tras il post d'administraziun da datas da la vischnanca respectiva. Per empustaziuns da datas pli grondas u per ulteriurs scleriments contactai per plaschair directamain il post d'administraziun da datas cumpetent.