Zum Seiteninhalt

Model directiv

1. Nossas valurs

  • Nus ans engaschain per in svilup persistent dal spazi da viver sco er dal spazi economic e da la natira.
  • Nus ans essan conscients da la valur e da la finitad dal bain "terren" sco er da la basa da viver natirala.
  • Nus tschertgain sinergias per prender resguard da la basa da viver natirala e da las resursas e per cuntanscher in niz per surfatscha uschè grond sco pussaivel (effizienza da las resursas).

2. Nossa moda da lavurar

  • Nus considerain ils interess en moda cumplessiva, objectiva e transparenta sco basa per la procedura politica da decisiun.
  • Nus resguardain il princip da la proporziunalitad e dain adatg da tractar tuts en moda eguala, sche las premissas èn las medemas.
  • Nus lavurain en moda orientada al success ed a l'effect, ademplin nossas incumbensas entaifer il termin fixà e communitgain a temp, en moda averta e clera.

3. Nossa cumpetenza professiunala

  • Nus essan il post da consultaziun per ils fatgs dal svilup dal territori ed uschia er orientads als basegns da la clientella.
  • Nus essan spezialisads sin l'elavuraziun da projects cumplexs interdisciplinars.
  • Nus intermediain tranter ils giavischs da differentas gruppas d'interess ed essan pia er moderaturs, mediaturs e coordinaturs.