Navigaziun principala

Cuntegn da la pagina

Curriculum vitae Marcus Caduff

Marcus Caduff è dapi il 1. da schaner 2019 schef dal Departament d'economia publica e fatgs socials dal chantun Grischun ed uschia cusseglier guvernativ responsabel per la politica chantunala concernent l'economia, il turissem ed ils fatgs socials. Tar ses sectur da responsabladad tutgan er la concepziun da l'organisaziun chantunala dal territori sco er la politica agrara. Avant sia elecziun en la Regenza appartegneva el sco commember da la fracziun da la PCD, ch'el ha presidià dals onns 2010 fin 2018, al Cussegl grond (parlament) dal chantun Grischun. Marcus Caduff ha ina vasta experientscha professiunala en l'economia privata. Durant 2 onns ha Marcus Caduff manà l'Ospital regiunal da la Surselva SA sco CEO e sco parsura da la direcziun. Avant era el manader dal svilup da l'interpresa en l'Ospital chantunal dal Grischun. Durant ses temp sco Vice President International Business Development tar la Flughafen Zürich AG ha Marcus Caduff manà tranter auter il svilup da l'interpresa en Europa ed en l'Orient Central. Marcus Caduff ha in diplom sco agronom (dipl. ing. agr. SPF) sco er in diplom supplementar en scienzas da manaschi e da producziun SPF (MAS MTEC). El è maridà e bab da duas figlias. Ses temp liber passenta el il pli gugent en las muntognas sin in velo da muntogna u en la naiv.