Cuntegn da la pagina

Procedura da permissiun per lavurantas e per lavurants da terzs stadis

Terzs stadis

Tut ils stadis ordaifer la UE/AECL.
 



Persunas ch'èn burgaisas da stadis che n'èn betg commembers da la UE/AECL survegnan mo excepziunalmain permissiuns da lavur per la Svizra. Excepziuns èn pussaivlas, sch'i vegnan occupads lavurantas e lavurants qualifitgads tar il transfer internaziunal da cader u sche auters motivs giustifitgeschan in'excepziun (formular da dumonda B1).
  

Impurtant: 
En il rom da la procedura da permissiun stoi vegnir cumprovà che la lavuranta u ch'il lavurant utilisà è vegnì tschertgà senza success sin il martgà da lavur svizzer e sin il martgà da lavur da la UE/AECL (quints dals inserats). I vegn recumandà d'annunziar la plazza da lavur en dumonda er al center regiunal per intermediaziun da lavur (CIL). 

 

Formular da dumonda: B1
Sche Vus avais l'intenziun d'engaschar ina tala lavuranta u in tal lavurant, As mettai per plaschair en contact cun nus (tel. nr. 081 257 23 51 / e-mail: claudio.tormenti@kiga.gr.ch). 

 

Durada da la procedura
La procedura da permissiun per burgaisas e per burgais da terzs stadis dura ca. 1 fin 2 mais, perquai ch'i sto vegnir dumandà il consentiment da l'uffizi federal da migraziun (UFM). Duvrai per plaschair il formular B1. 
  

Impurtant:
Las burgaisas ed ils burgais da terzs stadis ston spetgar a l'exetriur sin la decisiun da permissiun.