Referat da Rahel C. Ackermann
Mardi, ils 26.08.2025, a las 18.30 Cuira en il Museum retic

Ils onns 1980 ha il Servetsch archeologic dal Grischun scuvrì restanzas d'ina munaidaria – ina sensaziun! Da la concessiun dal dretg da batter munaida l'onn 1611 fin l'onn 1770 han ils baruns da Haldenstein laschà producir lur munaida en quest lieu, spargnond custs ed optimadas tenor il gudogn e savens al cunfin da la legalitad. Ils chats – chazzettas, restanzas da culà e da daner blut, crennas, schlantschadas d'emprovas e sblatgs – cumprovan l'entir andament da producziun ed er tut ils sbagls pussaivels dal legalisar e dal cular il metal sco er dal batter e da la munaida finida.

La survista dal rument da la munaidaria cun ils chats archeologics, cun las munaidas tradiziunalas e cun intginas funtaunas da text permetta da reconstruir la munaidaria e sia installaziun a travers il temp. In sguard sin la munaida da Haldenstein en la circulaziun e sin la valitaziun da tala dals contemporans lascha ultra da quai sminar, pertge ch'ellas èn oz uschè raras.

Rahel C. Ackermann è archeologa e numismaticra. Ella maina l'Inventari dals chats da munaida en Svizra (IFS) a Turitg.

In'occurrenza da la Societad istorica dal Grischun.
Ulteriuras occurrenzas