Zum Seiteninhalt

Bainvegni tar il servetsch archeologic dal Grischun

-
 

Incumbensa


Il servetsch archeologic dal Grischun è vegnì stgaffì l'onn 1967 dal chantun Grischun sco uffizi nov. Sin fundament da la lescha per promover la protecziun da la natira e da la patria ha oz il servetsch archeologic, ch'è integrà dapi l'onn 2003 sco partiziun en l'uffizi da cultura, las suandantas incumbensas centralas:

  • l'exchavaziun da chats archeologics ch'èn periclitads u che vegnan destruids tras mesiras architectonicas;
  • l'analisa archeologica d'edifizis istoricamain prezius ch'èn periclitads u che vegnan destruids da mesiras architectonicas; 
  • l'agid tar restauraziuns;
  • il mantegniment dals chats archeologics e da las plazzas d'exchavaziun impurtantas.

Tar il mantegniment na tutgan betg mo l'archivaziun dals chats e la segirada da las plazzas d'exchavaziun. L'artitgel da la lescha pretenda ch'i saja necessaria in'evaluaziun scientifica per valitar l'impurtanza istorica. Il servetsch archeologic renda accessiblas sias enconuschientschas a la publicitad en referats, en visitas guidadas ed en publicaziuns, ed el promova uschia la conscienza e la chapientscha per la ritga ierta archeologica dal terren e dals edifizis dal Grischun.

Ditg cun pleds simpels sa cloman las incumbensas dal servetsch archeologic: 

Analisar – conservar – intermediar