Zum Seiteninhalt

Analisar

 
En il terren patern, sin il qual nus vivain, giascha ina part essenziala da noss patrimoni cultural. Ina chista da regurdientscha da l'umanitad. Mintga generaziun ha deposità en tala, pli u main sapientivamain, fragments da sia existenza. Perditgas dal temp, vettas dal temp. Invisiblas. Sin quellas sa sviluppa vinavant nossa cuntrada da cultura. Di per di, ed adina pli svelt. La transfurmaziun cuntinuanta da noss spazi da viver permetta regularmain invistas en quests munds zuppads da noss passà. Per in curt temp sa mussan chaussas fascinantas, ordinarias, surprendentas, commoventas, sgarschaivlas, curiusas e raras. Alura smanatscha per regla la destrucziun. In'amnesia permanenta. Il servetsch archeologic perscrutescha l'istorgia e la vita da generaziuns da pli baud. L'archeologia gida ils umans a chapir lur passà e lur derivanza e da concepir lur futur.