Navigaziun principala

Cuntegn da la pagina

Scienzas vischinas

Scienzas vischinas
 
Antropologia
L'analisa dals skelets umans permetta da far constataziuns davart lur schlattaina, davart lur vegliadetgna, davart lur constituziun e davart lur posiziun sociala.

Schweizerische Gesellschaft für Anthropologie

Archeobotanica
La definiziun da las restanzas da plantas arsas ed intactas pussibilitescha da reconstruir l'ambient sco er l'activitad da collectadra u da collectader e l'activitad en l'agricultura.

Universität Basel, Integrative Prähistorische und Naturwissenschaftliche Archäologie, Archäobotanik

Archeozoologia
Cun definir l'ossa dals animals pon vegnir fatgas deducziuns areguard il diever dals animals da chasa e davart l'impurtanza da la chatscha. 

Universität Basel, Integrative Prähistorische und Naturwissenschaftliche Archäologie, Archäozoologie

Dataziuns da 14C
Cun agid da l'isotop da carbon 14C po vegnir datada la vegliadetgna dals chats organics (lain, pel, chavels, corna, ossa, conchiglias, insects) cun in'exactezza da 100 onns. 

Eidgenössische Technische Hochschule Zürich, Laboratory of Ion Beam Physics

Archeologia experimentala
En l'archeologia experimentala vegnan reconstruids chats da differentas epocas, e quai per pudair examinar lur funcziun e lur diever.

Experimentelle Archäologie Schweiz
 
Geoarcheologia
En la geoarcheologia vegni empruvà da respunder dumondas archeologicas cun metodas da la geoscienza. En il center stat en quest connex la reconstrucziun da cuntradas istoricas e preistoricas sin basa d'analisas dals sediments, da retschertgas da la geografia dal terren e d'analisas da las materias primas.

Universität Basel, Integrative Prähistorische und Naturwissenschaftliche Archäologie, Geoarchäologie

Georadar
Cun registrar il resun da las undas electromagneticas che vegnan tramessas sut terra pon vegnir registradas e cartografadas structuras archeologicas senza stuair far intervenziuns en il terren. 

GGH Solutions in Geosciences

Archeologia cun agid da fotografias or da l'aria
Sche las relaziuns dal clima e da la glisch èn favuraivlas, pon ins distinguer structuras archeologicas or da l'aria, e quai sin fundament da las differenzas en la vegetaziun.

Arbeitsgemeinschaft Prospektion Schweiz 

Numismatica
La definiziun dals chats da munaida permetta deducziuns davart l'economia e davart la politica.

Inventar der Fundmünzen der Schweiz