Navigaziun principala

Cuntegn da la pagina

Documentaziun cun fotografias or da l'aria

Documentaziun cun fotografias or da l'aria
 
En l'archeologia ed en la tgira da monuments ha la documentaziun fotografica ina gronda impurtanza. Ultra da plans èn las fotografias ils unics documents, sin ils quals ils resultats d'exchavaziuns e da monuments architectonics restan archivads suenter che projects da construcziun ed intervenziuns architectonicas han eliminà per dal bun ils fastizs d'epocas passadas. Sin terra laschan structuras ed edifizis sa registrar fotograficamain mo en moda incumpletta u mo per part. Per chapir meglier il connex dals resultats e da las structuras registradas sco er cumplexs pli gronds sco chastels e baselgias èn fotografias da survista disponiblas immediatamain, che servan sco illustraziuns e – curregidas da defurmaziuns – sco basa per preschentaziuns planimetricas, da gronda valur. Dapi l'onn 2013 ha il servetsch archeologic dal Grischun in urdain da sgular equipà cun ina camera digitala, cun la quala pon vegnir fatgas fotografias da quest gener. Questa drona, in uschenumnà hexacopter, sgola cun agid da motors electrics e vegn dirigida si da la terra per telecumond en la posiziun giavischada sur l'object en mira.

L'applicaziun, il manevrar en moda segira ed il mantegniment da quest urdain d'auta tecnologia pretenda ina gronda purziun d'enconuschientscha aviatica.Pilotada vegn questa drona d'ina collavuratura da blers onns ch'è s'acquistà l'abilitad necessaria entaifer ed ordaifer il manaschi. 


Contact: Amanda Zwicky

Alles besser als Krieg - zum sinnvollen Einsatz ferngesteuerter Drohnen in Archäologie und Denkmalpflege