Suenter ina stad d'exposiziun cun success l'onn passà, sa ferma l'exposiziun ambulanta «RömerZeitReisen» er questa stad puspè a Beiva. Il container d'exposiziun dal Servetsch archeologic dal Grischun e da l'uniun Parc Ela envida visitadras e visitaders da s'approfundar en l'istorgia da la campagna alpina romana e da scuvrir las Alps grischunas or d'ina nova perspectiva.

L'exposiziun speziala dat invistas captivantas da las perscrutaziuns archeologicas actualas en il Surses. Suonda ils fastizs da la schuldada romana ch'ha traversà las Alps avant radund 2'000 onns e vegn a savair dapli davart il tema mobilitad – da l'istorgia primara fin il temp preschent.

L'exposiziun sa chatta tar la fermada da posta a Beiva ed è libra dals 10 da zercladur fin ils 25 d'october mintga di da las 9.00 fin las 20.00.

Tgi che vul experimentar l'exposiziun pli profund, po sa participar ad ina visita guidada publica dal Servetsch archeologic dal Grischun.

Infurmaziuns ed annunzia