Cuntegn da la pagina

Schef dal departament Dr. Jon Domenic Parolini

 

Cordial bainvegni sin la pagina d'internet dal DECA


Charas visitadras, chars visitaders


Sin questa pagina d'internet chattais Vus infurmaziuns davart las activitads e davart las persunas da contact dal departament d'educaziun, cultura e protecziun da l'ambient dal Grischun (DECA). Jau ma legrel zunt fitg che Vus As interessais per ils temas multifars da noss departament. Quels cumpiglian

  • la scolina ed il stgalim primar, la cussegliaziun da scola e d'educaziun, il sport e las scolas da talent;
  • la furmaziun professiunala, la cussegliaziun professiunala, las scolas autas e las scolas medias;
  • l'archeologia, la tgira da monuments, la promoziun da la cultura, ils museums e la promoziun da linguas;
  • la gestiun da ruments, il mantegniment da l'aria pura, la protecziun da la natira ed ils parcs, las auas dals abitadis sco er
  • l'egualitad, "baselgia e stadi" ed ils stipendis.

Sche Vus avais dumondas, remartgas u propostas davart ils champs d'incumbensa dal DECA u en general davart temas politics, alura ma contactai per plaschair u As drizzai directamain al post da servetsch correspundent (guardar rubrica "persunas da contact").

Mai persunalmain cuntanschais Vus sur
jondomenic.parolini@ekud.gr.ch, 081 257 27 01 u per posta:
Departament d'educaziun, cultura e protecziun da l'ambient, schef dal departament, Quaderstrasse 17, 7001 Cuira

Jau ma legrel d'entrar en contact cun Vus!

Cusseglier guvernativ dr. Jon Domenic Parolini

schef dal departament d'educaziun, cultura e protecziun da l'ambient

Link a la pagina d'internet privata

Vulais Vus dapli infurmaziuns sur da mai? Visitai mia pagina d'internet privata sin www.jd-parolini.ch.